Aktyor Tohir Saidov ishtirokidagi ochiq muloqotda iste’mol madaniyati muhokama qilindi

13-iyul, juma kuni Bosh prokuratura huzuridagi Majburiy ijro byurosida jamoatchilik, OAV va kasaba uyushmalari vakillari ishtirokida ochiq muloqot bo‘lib o‘tdi. Bu haqda MIB matbuot xizmati “Daryo”ga xabar berdi.

Uchrashuvda Milliy akademik drama teatri va kino aktyori, O‘zbekistonda xizmat ko‘rsatgan artist Tohir Saidov ishtirok etdi.

Muloqotda tabiat boyliklariga nisbatan ehtiyotkorona munosabatda bo‘lish, energiya resurslariga bo‘lgan iste’mol madaniyatini shakllantirish masalasi muhokama qilindi.

Tadbirda, O‘zbekistonda xizmat ko‘rsatgan artist Tohir Saidov iste’mol madaniyati, avvalo, oilada, maktabda va jamoada shakllanishini ta’kidladi.