Актёр Тоҳир Саидов иштирокидаги очиқ мулоқотда истеъмол маданияти муҳокама қилинди

13 июль, жума куни Бош прокуратура ҳузуридаги Мажбурий ижро бюросида жамоатчилик, ОАВ ва касаба уюшмалари вакиллари иштирокида очиқ мулоқот бўлиб ўтди. Бу ҳақда МИБ матбуот хизмати «Дарё»га хабар берди.

Учрашувда Миллий академик драма театри ва кино актёри, Ўзбекистонда хизмат кўрсатган артист Тоҳир Саидов иштирок этди.

Мулоқотда табиат бойликларига нисбатан эҳтиёткорона муносабатда бўлиш, энергия ресурсларига бўлган истеъмол маданиятини шакллантириш масаласи муҳокама қилинди.

Тадбирда, Ўзбекистонда хизмат кўрсатган артист Тоҳир Саидов истеъмол маданияти, аввало, оилада, мактабда ва жамоада шаклланишини таъкидлади.