“O‘zgacha drama”. Xorvatiya Subashichning qahramonligi sabab Daniyani mag‘lub etib, chorak finalga chiqdi

Iyulning ilk kunida futbol bo‘yicha Rossiyada bo‘lib o‘tayotgan Jahon Chempionati nimchorak finali doirasida ikkita o‘yin ham yakuniga yetdi.

1-iyul sanasidan o‘rin olgan nimchorak finalning ikkinchi o‘yini guruh bosqichida 100 foizlik natija qayd etgan Xorvatiya hamda “C” guruhida Fransiya termasidan keyin ikkinchi bo‘lgan Daniya terma jamoalari o‘rtasida bo‘lib ​o‘tdi. O‘yin o‘ta shiddatli ruhda boshlandi. Avvaliga Matias Yorgensen 2-daqiqadayoq hisobni ochib, Daniyani oldinga olib chiqdi. Biroq daniyaliklarning quvonchi uzoqqa cho‘zilmadi. 4-daqiqada Mario Manjukich hisobni tenglashtirdi. Mazkur hisob o‘yinning qolgan daqiqalarida o‘zgarmadi. Qo‘shimcha bo‘limlarda ham 1:1 hisobi saqlanib qoldi.

Penaltilar seriyasida esa Daniyel Subashichning qahramonligi sabab Xorvatiya 3:2 hisobida g‘alaba qozonib, chorak finalga yo‘l oldi.