Kecha, 30-iyun sanasida futbol bo‘yicha Rossiya maydonlarida bo‘lib o‘tayotgan Jahon Chempionatining ilk chorak finalchilari ma’lum bo‘ldi. Lionel Messi boshliq Argentina nimchorak finalda Fransiyaga mag‘lub bo‘lgan bo‘lsa, Krishtianu Ronaldu va uning Portugaliyasi Urugvay to‘sig‘idan o‘ta olmadi. Shu tariqa so‘nggi 10 yillikning eng kuchli ikki futbolchisi ham bir kunda mundialdagi navbatagi ishtirokini erta yakunladi.
Qayd etish joiz, Messi ham Ronaldu ham Jahon Chempionatlarida 4 martadan ishtirok etdi. Ikkala futbolchi ham 2006, 2010, 2014 hamda 2018-yilgi mundiallarda qatnashdi. Messi va Ronaldu guruh bosqichlarida gol urishga erishgan. Biroq ularning ikkisiga ham pley-off bosqichlarida gol urish nasib etmagan. Ammo Messi pley-off bosqchilarida 3 ta golli uzatmani amalga oshirgan.
Izoh (0)