Italiyaning Palermo shahri karabinerlari Bolqondan Italiyaga va u yerdan boshqa Yevropa mamlakatlariga noqonuniy muhojirlarni tashish kanalini tashkil qilishda ayblanayotgan 17 kishi qo‘lga olinganini ma’lum qildi, deb yozadi “RIA Novosti”.
Jinoiy guruh bazasi Sitsiliyada joylashgan, biroq o‘z faoliyatini nafaqat Italiyaning turli hududlariga balki, Shveysariya, Germaniya, Albaniya va Kosovogacha yoyishga muvaffaq bo‘lgan.
Noqonuniy muhojirlarni tashish bilan birga, guruh a’zolari qurol savdosi, olmos va oltin kontrabandasi bilan shug‘ullangan. Bunda guruh Sitsiliya mafiyasi va qandaydir harbiylashgan alban tuzilmasi bilan aloqada bo‘lgan.
Guruhning xizmatidan Yevropa shimoli va Shveysariyaga yetib olgan o‘nlab kishilar foydalangan. Bunday sayohat muhojirlarga uch ming yevrodan tushgan.
Izoh (0)