Италиянинг Палермо шаҳри карабинерлари Болқондан Италияга ва у ердан бошқа Европа мамлакатларига ноқонуний муҳожирларни ташиш каналини ташкил қилишда айбланаётган 17 киши қўлга олинганини маълум қилди, деб ёзади «РИА Новости».
Жиноий гуруҳ базаси Сицилияда жойлашган, бироқ ўз фаолиятини нафақат Италиянинг турли ҳудудларига балки, Швейцария, Германия, Албания ва Косовогача ёйишга муваффақ бўлган.
Ноқонуний муҳожирларни ташиш билан бирга, гуруҳ аъзолари қурол савдоси, олмос ва олтин контрабандаси билан шуғулланган. Бунда гуруҳ Сицилия мафияси ва қандайдир ҳарбийлашган албан тузилмаси билан алоқада бўлган.
Гуруҳнинг хизматидан Европа шимоли ва Швейцарияга етиб олган ўнлаб кишилар фойдаланган. Бундай саёҳат муҳожирларга уч минг евродан тушган.
Изоҳ (0)