Ispaniya qirg‘oqlari yaqinida 100 dan ortiq muhojir qutqarib qolindi

Ispaniya qirg’oqlari yaqinida 2-iyul kuni qutqaruv xizmati tomonidan yuzdan ortiq muhojir qutqarib olingan. Bu haqda “RIA Novosti” xabar berdi.

Jami uchta qayiq topilgan, ularda 52, 49 va sakkiz nafar kishi bo‘lgan. Qutqaruv bo‘yicha uchchala operatsiya ham Gibraltar bo‘g‘ozida o‘tkazilgan.

O‘tgan dam olish kunlarida ispaniyalik qutqaruvchilar mamlakat qirg‘oqlari yaqinida 218 kishini aniqlagan.

Migratsiya bo‘yicha xalqaro tashkilot ma’lumotlariga ko‘ra, Ispaniyaga muhojirlar oqimi so‘nggi paytlarda sezilarli darajada ko‘paygan. Yanvar oyidan buyon Ispaniya qirg‘oqlariga O‘rta Yer dengizi orqali 15 ming muhojir yetib kelgan, faqat iyun oyining o‘zida qariyb yetti ming kishi kelgan. Yil boshidan buyon Ispaniya yo‘lida 292 kishi halok bo‘lgan yoki bedarak yo‘qolgan.

Tashkilot ma’lumotlariga ko‘ra, yanvar oyidan buyon O‘rta Yer dengizida mingdan ortiq kishi cho‘kib ketgan, ulardan kamida 200 nafari 28-iyundan 1-iyulgacha bo‘lgan davrda suvga g‘arq bo‘lgan. O‘rta Yer dengizi orqali Yevropa qirg‘oqlariga yetib kelgan muhojirlarning umumiy soni 45 ming kishini tashkil qilgan.