Amerika razvedka xizmatlari Shimoliy Koreya bir necha maxfiy yadro obyektlarida ish olib borishda davom etmoqda, deb hisoblaydi. Bu haqda, o‘z manbalariga asoslanib, NBC News xabar berdi.
Qayd etishlaricha, Kim Chen In ushbu obyektlarning barini yashirishga urinmoqchi, chunki Donald Tramp ma’muriyati bilan muzokaralar vaqtida ular yon berishiga umid qilmoqda.
“Ular AQShni chalg‘itmoqchi ekanini tasdiqlovchi yaqqol dalillar bor”, — dedi telekanal manbasi. Uning qo‘shimcha qilishicha, AQSh Shimoliy Koreya hududida bo‘layotgan ishlarni “diqqat bilan kuzatadi”.
Avvalroq AQSh davlat kotibi Mayk Pompeo kelasi hafta rasmiy tashrif bilan KXDRda bo‘lishi, tashrif davomida Koreya yarim orolini yadroviy quroldan xoli hududga aylantirishni muhokama qilishi xabar qilingan edi.
Izoh (0)