AQShda rossiyalik milliarderlarning Tramp bilan kechki ovqatda taklif qilingani ko‘rib chiqilmoqda

AQSh maxsus prokurori Robert Myullerning jamoasi Rossiya bilan bog‘liq milliarderlar qanday qilib mamlakatning amaldagi prezidenti Donald Trampning inauguratsiya marosimi munosabati bilan o‘tkazilgan tadbirga taklif qilinganini aniqlashga urinmoqda. Bu haqda “Vedomosti” xabar berdi.

Xabar berilishicha, gap 2017-yil yanvar oyida Vashingtonda inauguratsiya marosimidan bir kun avval bo‘lib o‘tgan tadbirlar haqida ketmoqda. Tadbirlardan birida taxminan 500 nafar mehmon — Trampning yaqin do‘stlari, saylovoldi shtab a’zolari, xorijiy elchilar, shu jumladan, Rossiyaning AQShdagi elchisi Sergey Kislyak ishtirok etgan.

Kechki ovqatlardan birida Rossiya bilan bog‘liq biznesmenlar Viktor Vekselberg, uning amakivachchasi Endryu Intrater, qozog‘istonlik milliarder Aleksandr Mashkevich ishtirok etgan.