Kanadaning Britaniya Kolumbiyasi provinsiyasi oliy sudi 61 yoshli Uinston Blekmorga hukm e’lon qildi. Daily Mail tomonidan xabar berilishicha, u qamoq jazosidan qutulib qolgan.
2017-yilning iyulida erkak 24 nafar xotinga egalik qilishda, uning kuyovi 53 yoshli Jeyms Oler esa birdaniga besh nafar ayol bilan nikohda bo‘lishda aybdor deb topilgan.
Blekmor olti oylik uy qamog‘iga hukm qilingan. U jazo doirasida ishga borishi va zarur bo‘lganda shifokorga murojaat qilishi mumkin bo‘ladi. Olerga nisbatan ham shu chora qo‘llanilgan, faqat uch oy muddatga. Blekmor 150 soatlik jamoat ishini ham bajarishi kerak, Oler uchun esa bu jazo muddati 75 soatni tashkil qiladi. Shuningek, ular 12 oy davomida doimiy ravishda politsiya idorasida qayddan o‘tishi kerak bo‘ladi.
Sudyaning ta’kidlashicha, ikkala erkak ham mehnatkash va qonunlarga rioya qiladi. Biroq u erkaklarni afv eta olmagan, chunki ularning ba’zi xotinlari nikoh tuzilgan vaqtda endigina 15 yoshga kirgan bo‘lgan. Xabar berilishicha, Blekmorning 149 nafar farzandi bor.
Izoh (0)