Канаданинг Британия Колумбияси провинцияси олий суди 61 ёшли Уинстон Блекморга ҳукм эълон қилди. Daily Mail томонидан хабар берилишича, у қамоқ жазосидан қутулиб қолган.
2017 йилнинг июлида эркак 24 нафар хотинга эгалик қилишда, унинг куёви 53 ёшли Жеймс Олер эса бирданига беш нафар аёл билан никоҳда бўлишда айбдор деб топилган.
Блекмор олти ойлик уй қамоғига ҳукм қилинган. У жазо доирасида ишга бориши ва зарур бўлганда шифокорга мурожаат қилиши мумкин бўлади. Олерга нисбатан ҳам шу чора қўлланилган, фақат уч ой муддатга. Блекмор 150 соатлик жамоат ишини ҳам бажариши керак, Олер учун эса бу жазо муддати 75 соатни ташкил қилади. Шунингек, улар 12 ой давомида доимий равишда полиция идорасида қайддан ўтиши керак бўлади.
Судьянинг таъкидлашича, иккала эркак ҳам меҳнаткаш ва қонунларга риоя қилади. Бироқ у эркакларни афв эта олмаган, чунки уларнинг баъзи хотинлари никоҳ тузилган вақтда эндигина 15 ёшга кирган бўлган. Хабар берилишича, Блекморнинг 149 нафар фарзанди бор.
Изоҳ (0)