2018-yilning 25—26-iyun kunlari Toshkentdagi “Poytaxt” biznes markazida “Iqlim qutichasi”— maktab o‘quvchilari uchun “Iqlim o‘zgarishi” mavzusida o‘quv-o‘yin materiallarini taqdimoti bo‘lib o‘tdi deb xabar beradi, BMTning O‘zbekiston vakolatxonasi matbuot xizmati.
Seminarda mutaxassislar auditoriyasi orasida – O‘zbekiston Respublikasi Xalq ta’limi vazirligi huzuridagi Respublika Ta’lim markazi, Toshkent shahrining o‘rta ta’lim maktablari uslubiyatchi va o‘qituvchilari, O‘zgidromet, Ekomaktab nodavlat notijorat tashkiloti, Mirzo Ulug‘bek nomidagi Milliy universitet vakillari o‘rin oldi.
Ishtirokchilar oldida Bahriddin Nishonov, O‘zbekiston Respublikasi Favqulodda vaziyatlar vazirligi huzuridagi Gidrometeorologiya xizmati Markazi bosh direktorining birinchi o‘rinbosari, Vladimir Tyurdenev Rossiya federatsiyasining O‘zbekistondagi favqulodda va muxtor elchisi, Barqaror rivojlanish bo‘limi boshlig‘i Xurshid Rustamov qutlov so‘zlari bilan so‘zga chiqdilar.
Iqlim o‘zgarishi muammosini muhimligini e’tirof etgan holda BMT Taraqqiyot dasturi 2014-yilda yoshlar va umuman, jamoatchilikni iqlim o‘zgarishini atrof-muhitga ta’siri haqidagi xabardorligini oshirish maqsadida umumta’lim muassasalari uchun yangi o‘quv qo‘llanmasini ishlab chiqdi. U Yerning ko‘p asrlar mobaynidagi iqlim o‘zgarishlari jarayonini va hozirgi kundagi ahvolni maroqli va yengil tarzda tushuntirib beradigan rasmli o‘ziga xos ma’lumotnoma bo‘ldi.
Yorqin jadvallar va diagrammalar mazkur jarayonlarni tabiatga va insonga ta’sirini kuzatish imkonini beradi, ular salbiy oqibatlarga moslashish va global isishning oldini olish bo‘yicha ko‘rilayotgan chora-tadbirlar hamda dunyoning turli mamlakatlarida qanday ishlar amalga oshirilayotgani haqida so‘zladi.
Ikki kun mobaynida Rossiya federatsiyasidan kelgan murabbiylar o‘quv qo‘llanmasini boshqa mamlakatlarda joriy etish va undan foydalanish tajribasi bilan o‘rtoqlashdilar. Trening ishtirokchilarini “Iqlim qutichasi” tarkibi bilan tanishtirdilar, qo‘llanma bilan ishlash xususiyatlarini, mustaqil bajarish uchun beriladigan topshiriqlar orqali bolalar bilan muloqotni o‘rnatish usullarini ochib berdilar. Shu bilan birga, bilim beruvchi o‘yinlar, krossvordlar, viktorinalar va kvestlar namoyish etildi, ular o‘yin shaklida materialni yengil o‘zlashtirish va olingan bilimlarni kundalik hayotda qo‘llash imkonini beradi.
Seminarda misol tariqasida loyihani Rossiya, Qozog‘iston, Qirg‘iziston, Tojikiston va MDHning boshqa mamlakatlarida amalga oshirilishi tajribasi taqdim etildi.
Munozaralar vaqtida qo‘llanmani poytaxtda hamda iqlim o‘zgarishi asoratlaridan aziyat chekkan hudud Qoraqalpog‘istonda sinab ko‘rish maqsadida tadbirlar o‘tkazish uchun namuna maktablarini tanlash borasida qaror qabul qilindi.
Izoh (0)