Bu borada Xorazm viloyati IIB boshlig‘i rahbarlik qiluvchi Urganch, Xonqa va Yangiariq tumanlarini o‘z tarkibiga oluvchi 3-sektorda ham ijtimoiy himoyaga muhtoj aholini qo‘llab quvvatlashga qaratilgan bir qator ishlar amalga oshirildi , deb “Daryo”ga xabar beradi Xorazm viloyati IIB matbuot xizmati.
Jumladan, o‘tkazilgan sayyor va ommaviy qabullarga uy-joy ajratilishi yoki qurilishida amaliy yordam ko‘rsatishni so‘rab murojaat qilgan fuqarolarni yashash sharoiti va daromad manbalari o‘rganib chiqilib, haqiqatda uy-joyga muhtoj, jismoniy imkoniyati cheklangan oilalar uchun bepul uy-joy qurish rejalashtirib olingan.
Xayrli ishlari natijasida, Urganch tumanining “Tandirchi” mahallasida 4 ta oilaga mo‘ljallangan xonadonlar qisqa muddatda qurib bitkazilgan.
2018-yil 15-iyun kuni 4 ta xonadon o‘z egalariga topshirilgan.
Xonadonlarni topshirishga bag‘ishlangan tantanali tadbirda Xorazm viloyati hokimi, viloyat IIB boshlig‘i va boshqa mas’ul rahbarlar hamda keng jamoatchilik vakillari ishtirok etdilar.
Mazkur xonadonlar mahalla faollari bilan kelishilgan holda, yashash sharoiti va turmush tarzini chuqur o‘rgangan holda tanlangan oilalarga topshirildi.
- Men, ko‘zim ojiz bo‘lganligi sababli, birinchi guruh nogironiman, turmush o‘rtog‘im ham nogiron, 2 nafar farzandlarimiz bor, mana necha yildirki, ijarada yashab kelayotgan edik, uy-joy olishga mablag‘imiz, qurishga imkoniyatimiz yo‘q edi, chamasi bir oy oldin Xorazm viloyati IIB boshlig‘i tomonidan o‘tkazilgan ommaviy qabulda ishtirok etib, uy-joy olish masalasida murojaat etgan edim. Mening murojaatim viloyat IIB boshlig‘i tomonidan bunchalik tez va to‘liq qanoatlantirilganidan cheksiz minnatdorman. O‘zimning jismoniy imkoniyatim cheklanganligi bois davlat va jamiyat uchun to‘liq naf keltira olmayotganligimdan afsusdaman, lekin farzandlarimni albatta yurt koriga yaraydigan insonlar qilib tarbiyalayman. Zero, ular ham kelgusida komil insonlar bo‘lib voyaga yetishib, ijtimoiy himoyaga muhtojlarga o‘z yordam qo‘llarini cho‘zishlarini xohlayman,—deydi yangi qurilgan xonadonlardan birining egasiga aylangan Botir Kamalov.
Mazkur xonadonlar kundalik turmush tarzi uchun zarur bo‘lgan uy-ro‘zg‘or jihozlari bilan ham ta’minlab berildi
Izoh (0)