O‘zbekiston Respublikasi Ichki ishlar vazirining maslahatchisi general-polkovnik Zokirjon Almatov boshchiligidagi ishchi guruh O‘zbekiston Respublikasi Ichki ishlar vazirligining 2-sonli Toshkent akademik litseyida bo‘lib, o‘qituvchi-murabbiylar va o‘quvchilar bilan muloqotda bo‘ldi. Bu haqda IIV matbuot xizmati “Daryo”ga xabar bermoqda.
Muloqot davomida ichki ishlar organlari sohasida amalga oshirilayotgan islohotlar, xususan, Ichki ishlar vazirligi akademik litseylarining ochilishi sohaga yetuk va bilimli kadrlar yetishtirib berishda muhim ahamiyat kasb etishi, ta’lim dargohida olingan nazariy bilimlarning amaliyot orqali mustahkamlab borilishi bo‘lg‘usi faoliyatga zamin hozirlab, yosh xodim uchun sohaning sir-asrorlarini puxta o‘zlashtirishda qo‘l kelishi ta’kidlab o‘tildi.
Ishchi guruh a’zolari tomonidan litseyda bu borada olib borilayotgan ishlarga yuqori baho berildi.
Shuningdek, litseyga kirish istagida bo‘lgan yoshlarning ota-onalari bilan bo‘lgan uchrashuvda ichki ishlar organlari xodimlari uchun davlat rahbari va hukumat tomonidan qo‘yilayotgan vazifalar, bu sharafli kasb mashaqqatlari yuzasidan fikr-mulohazalar bildirildi.
Izoh (0)