Bosh prokuratura akademiyasi tomonidan “Jinoyatlarni kvalifikatsiya qilishning ayrim muammolari” mavzusida idoralararo davra suhbati tashkil etildi. Bu haqda Bosh prokuratura matbuot xizmati ma’lum qildi.
Davra suhbati davomida ayrim jinoyatlarni kvalifikatsiya qilish masalalari, xususan, hujjatlar, shtamplar, muhrlar, blankalarni noqonuniy egallash, tayyorlash, ularni qalbakilashtirish yoki ulardan foydalanish bilan bog‘liq, talon-toroj bilan bog‘liq jinoyatlar, ishtirokchilikda sodir etilgan jinoyatlarni kvalifikatsiya qilishning muammolari, jinoyat motivi va maqsadining qilmishni kvalifikatsiya qilishdagi ahamiyati yoritildi.
Tadbirda jinoyatlarni kvalifikatsiya qilishda huquqni qo‘llash amaliyotidagi ayrim xato va kamchiliklarni oldini olishga doir takliflar, shuningdek, jinoyat qonunchiligini takomillashtirish istiqbollari, yagona sud amaliyotini shakllantirish masalalari atroflicha muhokama etildi.
Davra suhbati yakunida ishtirokchilar kun tartibidagi masalalar yuzasidan tegishli tavsiyalar ishlab chiqdi, bildirilgan takliflar bo‘yicha o‘zaro fikr almashdi.
Izoh (0)