2010-yil Janubiy Afrika Respublikasida o‘tgan Jahon Chempionatida nemis sakkizoyog‘i Paul mundial o‘yinlari natijasini oldindan topib muxlislar e’tirofiga sazovor bo‘lgan edi. Endi esa Rossiyada JCh—2018 davom etayotgan bir pallada butun dunyo bo‘ylab futbol muxlislari Paulning “izdoshlar”ini qidirishda davom etmoqda. “Interfaks” nashri esa Rossiyadagi mundialning “bashoratchi” hayvonlarini bir sahifaga to‘plab taqdim etdi.
Bengal oq yo‘lbarsi — laqabi Xon
Yo‘lbars Rossiyaning Misr ustidan g‘alabasini taxmin qilgan edi. Buni qarangki, uning bashorati to‘g‘ri chiqdi.
Mushuk — Axill
Ermitajlik Axill laqabli mushuk ham Rossiyaning Misr ustidan g‘alabasini taxmin etgandi.
Echki — laqabi Zabiyaka
Samaradagi echki 21-iyun kuni “Samara Arena”dab bo‘lib o‘tadigan Daniya—Avstraliya uchrashuvida durang natijasi qayd etilishini taxmin qildi. Ko‘ramiz, uning taxmini o‘zini oqlarmikan.
Maymun
Zagrebdagi Gibbonlar oilasiga mansub maymun Xorvatiyaning Nigeriyaga qarshi o‘yinda g‘alaba qozonishini taxmin qilgandi. Uning bashorati o‘zini oqladi. Xorvatiya 2:0 hisobida g‘alaba qozondi.
Dengiz mushugi — laqabi Deyzi
Rostokdagi dengiz mushugi Germaniyaning Meksikaga mag‘lub bo‘lishini taxmin etgandi. Deyzining topqirligiga gap yo‘q. Meksika amaldagi Jahon chempionini 1:0 hisobida mag‘lub etdi.
Fil — laqabi Zella
Shtutgart hayvonot bog‘idagi Zella Senegalning mundialda chempion bo‘lishini taxmin etdi. Kecha esa Senegal 1-tur doirasida Polshani mag‘lub etdi.
Akula
Tailandning Chiangmaye shahridagi hayvonot bog‘idagi akula esa o‘zidan bashoratchi chiqmasligini birinchi turdayoq ko‘rsatib qo‘ygandi. Jumladan, akula Saudiya Arabistonini Rossiya ustidan g‘alaba qozonishini taxmin etgandi. Yakunda Rossiya arablarni 5:0 hisobida mag‘lub etdi.
Izoh (0)