O‘zbekistonda 15 yil o‘tib, shaharlararo avtobuslarning kechasi harakatlanishiga yana ruxsat berildi, deb yozadi Spot Vazirlar Mahkamasi qaroriga tayanib.
Hujjat 2003-yildan buyon shaharlararo avtobuslarning tungi reyslarni amalga oshirishiga qo‘yilgan taqiqni bekor qiladi.
Bundan tashqari, endi agar turistik avtobuslar tegishli xavfsizlik talablariga javob bersa, kolonna hamrohligidan ozod etiladi. Xavfsizlik talablariga esa avtobusda GPS tizimi, qorong‘uda ko‘zga tashlanuvchi maxsus rangli chiziq bo‘lishi, shuningdek, ikki nafar haydovchi va ularning mobil telefoni faol bo‘lishi kabilar kiritildi.
Yana bir o‘zgarish shundan iboratki, normativ hujjatlarga to‘liq javob bermaydigan yo‘llardan yurishda yo‘l harakati xavfsizligi hududiy komissiyasi tomonidan ruxsatnoma olish amaliyoti ham bekor qilinadi. Endilikda respublika bo‘ylab turistik yo‘nalishlarni belgilashda mazkur komissiya bilan kelishish shart emas.
Izoh (0)