Yangi tashkil etilgan O‘zbekiston jurnalistika va ommaviy kommunikatsiyalar universiteti 2018/2019-o‘quv yilidan boshlab abituriyentlarni qabul qiladi. Bu Prezidentning “O‘zbekiston jurnalistika va ommaviy kommunikatsiyalar universitetini tashkil etish to‘g‘risida”gi qarorida belgilangan.
Oliy o‘quv yurti bakalavriatida 4 ta: jurnalistika (bosma OAV, teleradio, internet, xalqaro va sport jurnalistikasi), axborot xizmati va jamoatchilik bilan aloqalar, mediadizayn, mediamarketing va reklama yo‘nalishlari bo‘ladi.
100 o‘rindan 31 tasi grant, 69 tasi to‘lov-kontrakt asosida.
Magistraturada 7 ta: jurnalistika (bosma OAV, siyosiy-huquqiy va internet jurnalistika), oliy jurnalistika kurslari, xalqaro jurnalistika, noshirlik ishi va muharrirlik, axborot xizmatlari texnologiyalari, televideniye va radioeshittirish, mediamenejment yo‘nalishlari bo‘ladi.
30 o‘rindan 8 tasi grant, 22 tasi to‘lov-kontrakt asosida.
Izoh (0)