24—28-may kunlari Vyetnamning Xoshimin shahrida taekvondo WTF bo‘yicha Osiyo chempionati bo‘lib o‘tdi. Musobaqaning so‘nggi kunida Dmitriy Shokin (+87kg) bronza medaliga ega chiqdi, deb xabar beradi MOQ matbuot xizmati.
Qit’a birinchiligida 34 mamlakatdan 564 nafar sportchi ishtirok etdi. O‘zbekistonlik taekvondochilar esa 8 ta medalni (2 oltin, 1 kumush va 5 bronza) qo‘lga kiritib, umumjamoa hisobida uchinchi o‘rinni egalladi.
Osiyo chempionatida sovrindor bo‘lgan o‘zbekistonlik taekvondochilar:
Oltin:-74 kg: Nikita Rafalovich-67 kg: Nigora Tursunqulova
Kumush:-87 kg: Jasur Boyqo‘ziyev
Bronza:-80 kg: Maksim Rafalovich-63 kg: Sardor Toirov-46 kg: Madina Mannopova-58 kg: Niyoz Po‘latov-87 kg: Dmitriy Shokin
Terma jamoaning 14 sportchisidan 7 nafari Mudofaa vazirligi sport klubi a’zolaridir. Sportchilar Toshkentga ertaga, 29-may kuni soat 19:20 da Seul—Toshkent yo‘nalishi bo‘yicha yetib keladi.
Izoh (0)