Isroil G‘azo sektori bilan chegara bo‘ylab dengiz to‘sig‘ini qurishni boshladi va qurilishni yil oxirigacha yakunlamoqchi, deb yozadi “RIA Novosti” mamlakat mudofaa vazirligiga tayanib.
Sirtidan tikanli sim bilan qoplangan tosh to‘lqin qaytargich g‘ov yahudiy davlatini Falastin dengiz kuchlarining bostirib kirishidan himoya qilishi kerak, ular avvallari ham Isroilga qirg‘oq orqali desant tushirishga uringan.
Isroil mudofaa vaziri Avigdor Libermanning ta’kidlashicha, to‘siqning barpo etilishi G‘azo sektorida hukmronlik qiluvchi HAMAS harakatining rejalarini barbod qiladi va uning “strategik quroli”ni puchga chiqaradi.
Isroilning anklav bilan quruqlikdagi chegarasi allaqachon devorlar bilan to‘silgan, bunga qo‘shimcha ravishda, hukumat jangarilar tunnellaridan himoyalanish uchun yer osti to‘sig‘ini qurmoqda.
Izoh (0)