AQSh delegatsiyasi ikki Koreya chegarasidagi Pxanmundjom muzokara punktida KXDR vakillari bilan uchrashuv o‘tkazmoqda. Bu haqda 27-may kuni Davlat departamenti matbuot kotibi Xizer Nauert ma’lum qildi, deya xabar beradi “Korrespondent.net”.
“Prezident Tramp va KXDR yetakchisi Kim Chen In o‘rtasidagi uchrashuvga tayyorgarlikni davom ettirmoqdamiz”, — dedi Nauert.
The Washington Post nashriga ko‘ra, AQSh delegatsiyasini Davlat departamentining KXDR bo‘yicha sobiq maxsus vakili Son Kim boshqarmoqda. Delegatsiyaga Milliy xavfsizlik kengashi a’zosi Elison Xuker va mudofaa vazirining Sharqiy Osiyo bo‘yicha yordamchisi Rendall Shrayver ham kirgan.
Izoh (0)