Eng qisqa xalqaro aviareys Janubiy Amerikada yo‘lga qo‘yildi. Bu haqda News18 xabar berdi.
Reys Aruba Airlines kompaniyasi tomonidan amalga oshiriladi. U Niderlandiyaga tegishli Aruba orollarini Venesuelaning Punto Fijo shahri bilan bog‘laydi. Ikki manzil orasidagi masofa 80 kilometrni tashkil qiladi. Parvoz sakkiz daqiqa davom etadi.
Parvozlar dushanba va juma kunlari amalga oshiriladi. Chipta narxi esa 200 dollardan boshlanadi.
Dunyodagi eng qisqa ichki reys ikki daqiqani egallaydi. U Shotlandiyadagi Uestrey va Papa-Uestrey orollarini bog‘laydi.
Izoh (0)