Amerikalik qo‘shiqchi Niki Jem futbol bo‘yicha Rossiyada bo‘lib o‘tadigan Jahon Chempionatining rasmiy qo‘shig‘ini taqdim etdi, deb yozadi “Meduza”.
JCh-2018 madhiyasi Live it Up deb nomlanadi. Qo‘shiq mashhur aktyor Uill Smit hamda kosovalik qo‘shiqchi Era Istrefi bilan hamkorlikda yaratilgan. Shuningdek, qo‘shiq ustida amerikalik mashhur prodyuser Diplo ham mehnat qilgan.
Ma’lumot uchun joriy yilning may oyi o‘rtalarida urugvaylik qo‘shiqchi Nataliya Oreyro JCh-2018 uchun norasmiy qo‘shiqni taqdim etgandi. Uning United by Love deb nom olgan qo‘shig‘i uchta tilda — ingliz, rus hamda ispan tillarida kuylangandi.
Izoh (0)