Toshkent viloyatining Bo‘stonliq tumanida joriy yil 9-yanvaridan 24-fevraligacha bo‘lgan vaqt oralig‘ida noma’lum shaxslar COSCOM MChJga tegishli Soyliq qishlog‘ida joylashgan antenna minorasi hududiga temir to‘rni oshib o‘tish yo‘li bilan kirgan. Bu haqda IIV jamoatchilik va OAV bilan aloqalar boshqarmasi xabar berdi.
Ular bu yerdan umumiy qiymati 6 million so‘mlik TS stansiyasining 4 dona akkumulyator batareyasini o‘g‘irlab ketgan.
Ko‘rilgan choralar natijasida ushbu jinoyatni Qibray tumanida yashovchi R.T. va Salar ShFYda yashovchi Sh.T. sodir etganliklari aniqlandi.
Ular qo‘lga olindi.
Izoh (0)