22-mayning e’tiborga molik yangiliklari — “Daryo”ning kechki dayjestida.
1. Shavkat Mirziyoyev Rossiya mudofaa vazirini qabul qildi. Sergey Shoygu Prezidentdan avval O‘zbekiston mudofaa vaziri Abdusalom Azizov bilan uchrashdi. Uchrashuvda Afg‘onistondagi vaziyat tufayli terrorchilarning Markaziy Osiyoga o‘tib ketish xavfi borligini aytdi.
2. Suv va sel toshqinlari ichida qolgan O‘zbekiston: Qurbonlar bor, yetkazilgan zarar miqdori noma’lum. Bunaqasi ko‘pdan beri kuzatilmagan edi. Tabiiy ofatlar oqibatida kamida sakkiz kishi halok bo‘lgan.
3. Bosh prokuror Otabek Murodov rahbarligidagi ishchi guruh Surxondaryoda seldan jabrlangan oilalarga yordam ko‘rsatdi. Samarqandda Nurobodning Jom qishlog‘iga yopirilgan sel oqibatlari ham bartaraf etilmoqda.
4. Diana Yenikeyevani urib yuborgan haydovchiga chiqarilgan hukm o‘zgarishsiz qoldi. Jinoyat ishlari bo‘yicha Kattaqo‘rg‘on tuman sudining 1-maydagi hukmi bilan Akrom Elmurodov 6 yil muddatga ozodlikdan mahrum etilgan edi.
5. Amnesty International delegatsiyasi 2004-yildan buyon birinchi marta O‘zbekistonga keladi. Tashkilot siyosiy maqsadlarda ta’qib qilinayotlarning jinoyat ishlarini to‘xtatish va oqlash, shuningdek, o‘tmishda amalga oshirilgan inson huquqlariga qarshi jinoyatlarni xolisona va samarali tarzda tekshirish kabilar haqida tavsiyalar ro‘yxatini tayyorlagan.
6. “O‘zbektelekom” bosh direktori: Biz nihoyat Skype, Viber, WhatsApp bilan bog‘liq muammolarni bartaraf etdik. Direktor Farhod Ro‘ziyevning ma’lum qilishicha, bu “eng og‘riqli muammolardan” edi.
7. Botir Parpiyev taekvondo WTF assotsiatsiyasi prezidentiligidan ham ketdi. Uning o‘rniga yangi rahbar tayinlandi. Ma’lumot uchun, Parpiyev 2004-yildan 2018-yil mayiga qadar O‘zbekiston Davlat soliq qo‘mitasiga rahbarlik qilgan.
8. “Chorvoq” turistik zonasiga McDonald’s, Starbucks va Burger King’ni taklif etishga qaror qilindi. Bu brendlarning O‘zbekiston faoliyat boshlashi uchun ularning o‘zi qanday talablar qo‘yadi?
Izoh (0)