“Atletiko M” o‘yinchilari — Antuan Grizmann, Koke, Gabi, hamda Saul Yevropa Ligasida haftaning eng yaxshi o‘yinchisi bo‘lishga nomzod sifatida ko‘rsatildi. Bu haqda UEFA rasmiy saytida xabar berildi.
Ma’lumki, kecha, 16-may sanasida Yevropa Ligasining final uchrashuvi Liondagi “Stad de Lion” stadionida bo‘lib o‘tdi. Finalda g‘oliblik uchun Ispaniyaning “Atletiko Madrid” hamda Fransiyaning “Marsel” jamoalari o‘zaro kurash olib borib, unda madridliklarning qo‘li baland keldi.
Madrid klubi safida Antuan Grizmann dublga erishgan bo‘lsa, Gabi yana bir golga mualliflik qildi. Gabi Antuanning birinchi goliga hammualiflik qildi, Koke esa final bahsida 2 ta golga uzatma berdi.
Nomzodlarga ovoz berish UEFA rasmiy saytida amalga oshirilmoqda.
Izoh (0)