Qoraqalpog‘istonning Mo‘ynoq tumanida ichimlik suvi uzatilishi bilan bog‘liq vaziyat yomonlashdi, deb yozadi “Gazeta.uz” Oliy Majlis Qonunchilik palatasi deputati Nuriya Aytjanovaga tayanib.
101 km uzunlikdagi 26,6 milliard so‘mlik vodoprovod Mo‘ynoqda o‘tgan yilning iyunida ishga tushirilgan edi. Bungacha aholi suvni Amudaryo daryosidan yoki artezian quduqlardan olgan.
Oradan bir yil o‘tar-o‘tmas, vodoprovodda tez-tez avariyalar yuz bermoqda, natijada ichimlik suvi yetkazib berishda uzilishlar bo‘lmoqda.
O‘zbekiston Ekologiya harakati deputatlar guruhi a’zosi Nuriya Aytjanovaning so‘zlariga ko‘ra, aprelda deputatlar Mo‘ynoq tumanini o‘rganib chiqib, vaziyat haqida mahalliy hokimlik va Qoraqalpog‘iston Jo‘qorg‘i Kengesini xabardor qilgan. “O‘n kun ichida bizga hammasini batafsil tushuntirishlari kerak”, — dedi deputat.
Izoh (0)