Қорақалпоғистоннинг Мўйноқ туманида ичимлик суви узатилиши билан боғлиқ вазият ёмонлашди, деб ёзади «Газета.uz» Олий Мажлис Қонунчилик палатаси депутати Нурия Айтжановага таяниб.
101 км узунликдаги 26,6 миллиард сўмлик водопровод Мўйноқда ўтган йилнинг июнида ишга туширилган эди. Бунгача аҳоли сувни Амударё дарёсидан ёки артезиан қудуқлардан олган.
Орадан бир йил ўтар-ўтмас, водопроводда тез-тез авариялар юз бермоқда, натижада ичимлик суви етказиб беришда узилишлар бўлмоқда.
Ўзбекистон Экология ҳаракати депутатлар гуруҳи аъзоси Нурия Айтжанованинг сўзларига кўра, апрелда депутатлар Мўйноқ туманини ўрганиб чиқиб, вазият ҳақида маҳаллий ҳокимлик ва Қорақалпоғистон Жўқорғи Кенгесини хабардор қилган. «Ўн кун ичида бизга ҳаммасини батафсил тушунтиришлари керак», — деди депутат.
Изоҳ (0)