Amerikalik aktrisa va fotomodel Megan Marklning otasi Tomas qizining Buyuk Britaniya shahzodasi Garri bilan bo‘lib o‘tadigan to‘y marosimiga bormaslikka qaror qildi, deb yozadi TMZ portali.
Tomas yarim yil avval alkogol sotib olayotganda fotograflar uni suratga olgan edi. Aynan mazkur mojaroli surat tufayli u qizi va qirollik oilasiga zarar berishni istamaydi.
Keyinroq Tomas Marklning taniqli fotograf Jeff Reyner bilan kelishib olib, bir nechta fotosuratlarni e’lon qilgani haqida ma’lumotlar paydo bo‘ldi.
Suratlardan birida Tomas internet kafeda o‘tirib, qizining unashtirilgani haqidagi xabarlarni o‘qiyotgani aks ettirilgan.
Ikkinchi suratda esa tikuvchi kostyum uchun uning bo‘yini o‘lchayotganini ko‘rish mumkin. Yana bir suratda fotograf uning gantel bilan mashq bajarayotganini tasvirlagan.
Biroq jurnalistlar fotosuratlarning kelishilgan holda tushirilganini aniqladi va Tomasni to‘y bahona pul ishlab olishda aybladi.
Shuningdek, u nashrlardan biriga o‘zining olti kun avval yurak xurujiga uchragani, biroq shunday bo‘lsa-da qizining to‘yiga borish uchun shifoxonadan chiqqanini ta’kidlagan.
Shahzoda Garri va Megan Marklning to‘yi 19-may kuni Vindzor qasridagi Muqaddas Georgiy ibodatxonasida bo‘lib o‘tadi.
Izoh (0)