Америкалик актриса ва фотомодель Меган Марклнинг отаси Томас қизининг Буюк Британия шаҳзодаси Гарри билан бўлиб ўтадиган тўй маросимига бормасликка қарор қилди, деб ёзади TMZ портали.
Томас ярим йил аввал алкоголь сотиб олаётганда фотографлар уни суратга олган эди. Айнан мазкур можароли сурат туфайли у қизи ва қироллик оиласига зарар беришни истамайди.
Кейинроқ Томас Марклнинг таниқли фотограф Жефф Рейнер билан келишиб олиб, бир нечта фотосуратларни эълон қилгани ҳақида маълумотлар пайдо бўлди.
Суратлардан бирида Томас интернет кафеда ўтириб, қизининг унаштирилгани ҳақидаги хабарларни ўқиётгани акс эттирилган.
Иккинчи суратда эса тикувчи костюм учун унинг бўйини ўлчаётганини кўриш мумкин. Яна бир суратда фотограф унинг гантел билан машқ бажараётганини тасвирлаган.
Бироқ журналистлар фотосуратларнинг келишилган ҳолда туширилганини аниқлади ва Томасни тўй баҳона пул ишлаб олишда айблади.
Шунингдек, у нашрлардан бирига ўзининг олти кун аввал юрак хуружига учрагани, бироқ шундай бўлса-да қизининг тўйига бориш учун шифохонадан чиққанини таъкидлаган.
Шаҳзода Гарри ва Меган Марклнинг тўйи 19 май куни Виндзор қасридаги Муқаддас Георгий ибодатхонасида бўлиб ўтади.
Изоҳ (0)