9-may kuni Moskvada bo‘lib o‘tgan “G‘alaba paradi”da ishtirok etgan o‘zbekistonlik yetti nafar urush faxriysi xatolik tufayli Kislovodsk o‘rniga Sochiga uchib keldi. Bu haqda “Kuban 24” nashriga tayanib, “Gazeta.ru” xabar berdi.
Ta’kidlanishicha, urush qatnashchilari, ularga hamrohlik qilayotgan qarindoshlari va shifokorlar Kislovodskdagi sanatoriyaga ketayotgan bo‘lgan. Aniqlanishicha, ular chiptalarni almashtirib yuborib, Sochiga kelib qolgan. Shaharda mehmonlarni yaxshi kutib olishgan va mehmonxonaga joylashtirishgan, shundan so‘ng ular uchun shahar bo‘ylab ekskursiya tashkil etilgan.
“Men Sochiga ko‘p bora kelganman, sanatoriyalarida davolanganman. Bugun shahar qanchalik o‘zgarganiga guvoh bo‘ldim. Sizlarga mehmondorchilik, ajoyib qabul uchun Ulug‘ Vatan urushi qatnashchilari nomidan minnatdorchilik bildiraman”, — deydi delegatsiyaning 93 yoshli a’zosi Bekqul Hamzayev.
Sochi ma’muriyatining xabar berishicha, faxriylar 11-may kuni kechqurun poyezd bilan Kislovodskka jo‘nab ketgan.
Izoh (0)