9 май куни Москвада бўлиб ўтган «Ғалаба паради»да иштирок этган ўзбекистонлик етти нафар уруш фахрийси хатолик туфайли Кисловодск ўрнига Сочига учиб келди. Бу ҳақда «Кубан 24» нашрига таяниб, «Газета.ru» хабар берди.
Таъкидланишича, уруш қатнашчилари, уларга ҳамроҳлик қилаётган қариндошлари ва шифокорлар Кисловодскдаги санаторияга кетаётган бўлган. Аниқланишича, улар чипталарни алмаштириб юбориб, Сочига келиб қолган. Шаҳарда меҳмонларни яхши кутиб олишган ва меҳмонхонага жойлаштиришган, шундан сўнг улар учун шаҳар бўйлаб экскурсия ташкил этилган.
«Мен Сочига кўп бора келганман, санаторияларида даволанганман. Бугун шаҳар қанчалик ўзгарганига гувоҳ бўлдим. Сизларга меҳмондорчилик, ажойиб қабул учун Улуғ Ватан уруши қатнашчилари номидан миннатдорчилик билдираман», — дейди делегациянинг 93 ёшли аъзоси Бекқул Ҳамзаев.
Сочи маъмуриятининг хабар беришича, фахрийлар 11 май куни кечқурун поезд билан Кисловодскка жўнаб кетган.
Изоҳ (0)