Yaqinda ijtimoiy tarmoqlarda 14 yoshli Xudoybergan Azizov Prezident Shavkat Mirziyoyevga ochiq xat yozib, onasi bilan ijarama-ijara yashashga majbur bo‘layotganini aytgani va Davlat rahbaridan ularni uy-joy bilan ta’minlashni so‘ragani haqida xabarlar paydo bo‘lgan edi.
Yangiyo‘l tumanidagi 4-maktabda ta’lim oladigan o‘smir o‘z xatida yordamga muxtoj ayollarga kvartira berilishi haqida qaror chiqqani, uning oilasi uy uchun oyma-oy pul to‘lashga qurbi yetishini yozgan edi. Uning ushbu maktubi Prezidentga yetib borib, so‘rovi qanoatlantirildi. “Yoshlar” telekanalining “Davr” informatsion dasturi muxbirlari Xudoybergan va uning onasi bilan suhbatlashdi.
Prezidentimga yozgan xatimda onamning qiynalganliklari, kvartirama-kvartira ko‘chib yurganliklarimiz haqida, bu holatdan onam ba’zi vaqtlarda yig‘lagani haqida yozgan edim. Mana shu masala ijobiy hal bo‘lganidan keyin, o‘zim ham rosa xursand bo‘ldim, onam ham rosa xursand bo‘ldilar.“Davr” muxbirlarining qayd etishicha, Xudoyberganning onasi ham hali hanuz uyli bo‘lganiga ishonolmay, hayajonda.Feysbukda juda ham ko‘plab postlar qoldirishdi. Ularning hammasiga rahmat aytmoqchiman. Ular meni qo‘llab-quvvatlab turishdi. Uy berilib, rahmatnoma yozganimdan keyin ham hamma tabriklar yo‘llashdi. Hammalariga rahmat aytmoqchiman.
Uy kredit asosida emas, balki Prezidentimiz tomonidan shundoq sovg‘a qilindi. Buning uchun Prezidentimizga ham katta rahmat aytmoqchiman. Mehnatdan qochmayman. Kelgusida, katta bo‘lganimdan keyin, Vatanimga xizmat qilaman.
Katta bo‘lganimda birinchi o‘rinda institutga kirib, yaxshi o‘qib, onamni xursand qilmoqchiman. O‘qituvchi kasbini egallab, bolalarga bilim berib, o‘zimning yaxshi o‘qituvchilarimga o‘xshagan o‘qituvchi bo‘lmoqchiman.
Xudoybergan Azizov, maktab o‘quvchisi
14 yildan beri har besh-olti oyda ijarama-ijara, ko‘chib-ko‘chib yashab kelayotgan edik. O‘g‘lim xat yozganida uyli-joyli bo‘lishimizga o‘zim ham ishonmagan edim. 24 soat ichida Prezidentimiz uy sovg‘a qildilar.Saodat Azizova, Xudoyberganning onasi
Izoh (0)