Basklar (Ispaniyaning shimoli-g‘arbida va Fransiyaning janubi-g‘arbida yashovchi xalq)ning ETA ayirmachilar guruhi o‘z faoliyatini tugatishi haqida e’lon qildi, deb yozadi Meduza. Uning bayonotini Ispaniyaning El Diario nashri chop etdi.
Bayonotda aytilishicha, ETA o‘z tuzilmalarini butunlay tarqatib yuborishga qaror qilgan. Shu bilan birga, guruh Ispaniya bilan nizo davom etishini ta’kidladi.
Avvalroq ETA boshqa bir bayonotni tarqatib, ko‘plab kishilarning halokati uchun mas’ulligini tan olgan edi.
Basklar mamlakatining mustaqilligi tarafdori bo‘lgan ETA ayirmachilar guruhi 1959-yilda tuzilgan. Guruh jangarilari tomonidan sodir etilgan hujumlar natijasida 800 dan ortiq kishi halok bo‘lgan. Yevroittifoq va AQSh uni terrorchilik tashkiloti deb tan olgan.
Izoh (0)