Puerto-Riko harbiy samolyoti AQShning Jorjiya shtatida halokatga uchradi

2-may, chorshanba kuni AQShning Jorjiya shtati Savanna shahri yaqiniga C-130 Hercules harbiy-transport samolyoti qulab tushdi, deb yozadi “TASS”. Uning bortida to‘qqiz kishi bo‘lgan.

Hodisa oqibatida kamida besh kishi halok bo‘lgani aytilmoqda. Omon qolganlar haqida aniq ma’lumot keltirilmayapti.

Samolyot Puerto-Riko Milliy gvardiyasining 156-aviatsiya bo‘linmasiga tegishli bo‘lgan. U Arizona shtatiga yo‘l olgan edi.