Alisher Navoiy nomidagi O‘zbekiston davlat akademik Katta teatrida bo‘lib o‘tayotgan I xalqaro balet san’ati festivali doirasida Isroilning Vertigo Dance Company zamonaviy raqs truppasi ijrosida One, one & one (“Yakka, yakka va yakka...”) spektakli namoyish qilindi. Bu haqda O‘zA xabar bermoqda.
Isroilning bu zamonaviy raqs ansambli 1992-yilda tashkil etilgan. Ansambl dastlab ushbu davlatdagi ijodiy festivallarda, keyinchalik esa jahon miqyosidagi festival va tanlovlarda, yirik musiqiy tadbirlarda muvaffaqiyatli ishtirok eta boshlagan.
Isroillik ijodkorlar tomonidan taqdim etilgan spektaklda insonning ruhiy dunyosidagi evrilishlar yakkayu yagona maqsad — ma’naviy barkamollik sari intilishi betakror raqslar vositasida aks ettirilgan, deyiladi xabarda.
Izoh (0)