Алишер Навоий номидаги Ўзбекистон давлат академик Катта театрида бўлиб ўтаётган I халқаро балет санъати фестивали доирасида Исроилнинг Vertigo Dance Company замонавий рақс труппаси ижросида One, one & one («Якка, якка ва якка...») спектакли намойиш қилинди. Бу ҳақда ЎзА хабар бермоқда.
Исроилнинг бу замонавий рақс ансамбли 1992 йилда ташкил этилган. Ансамбль дастлаб ушбу давлатдаги ижодий фестивалларда, кейинчалик эса жаҳон миқёсидаги фестиваль ва танловларда, йирик мусиқий тадбирларда муваффақиятли иштирок эта бошлаган.
Исроиллик ижодкорлар томонидан тақдим этилган спектаклда инсоннинг руҳий дунёсидаги эврилишлар яккаю ягона мақсад — маънавий баркамоллик сари интилиши бетакрор рақслар воситасида акс эттирилган, дейилади хабарда.
Изоҳ (0)