Kanadada inson huquqlari bo‘yicha sud Xitoy restoranini qora tanli erkakka o‘n ming dollar to‘lashga majbur qildi. Bunga muassasada erkak va uning do‘stlaridan hisobni oldindan to‘lab qo‘yish so‘ralgani sabab bo‘lgan. Bu haqda “RIA Novosti” xabar berdi.
Kelib chiqishi Trinidad va Tobagodan bo‘lgan Emil Vikham 2014-yilning 3-may kuni o‘z do‘stlari bilan tug‘ilgan kunini nishonlash uchun Toronto markazidagi Xitoy restoraniga kirgan. Do‘stlar buyurtma berganidan so‘ng ofitsiant buyurtma uchun to‘lovni oldindan amalga oshirishni so‘ragan. Vikhamning so‘zlariga ko‘ra, ular restorandagi yagona qora tanli guruh bo‘lgan. U boshqa mijozlardan ular ham to‘lovni oldindan amalga oshirgan yoki yo‘qligini so‘ragan va bunga rad javobini olgan.
Restoran inson huquqlarini buzgani uchun tovon to‘lashga majbur qilindi. Sudning qaroriga ko‘ra, restoran voqea uchun asosli sabab ko‘rsata olmagan va Vikhamga nisbatan irqiy kamsitish munosabatida bo‘lgan.
Izoh (0)