O‘zbekiston va Turkmaniston suv masalalarini hal etish va xavfsizlik masalalarida hamkorlik qiladi. Bu haqda O‘zbekiston Prezidenti Shavkat Mirziyoyev Turkmaniston yetakchisi Gurbanguli Berdimuhamedov bilan bo‘lib o‘tgan muzokaralardan so‘ng OAV qarshisida so‘zlagan nutqida ma’lum qildi, deya xabar beradi “Gazeta.uz”.
“Xavfsizlik masalalari bor, biz Afg‘oniston bo‘yicha juda chuqur suhbat qurdik, transchegaraviy daryolar va suv masalalari to‘g‘risida jiddiy suhbatlashdik. Suv masalalari bo‘yicha komissiya tuzishga kelishib oldik”, — dedi davlat rahbari.
U mamlakatlar xavfsizlik sohasida ham hamkorlikni yo‘lga qo‘yishini ma’lum qildi.
“Transchegaraviy jinoyatchilik, terrorizm, narkotrafikka qarshi kurash bo‘yicha huquqni muhofaza qilish organlari o‘rtasida hamkorlik to‘g‘risida kelishib oldik, — dedi Shavkat Mirziyoyev. — Maxsus organlarimiz uchrashadi va ushbu jiddiy masalalarni hal etadi”.
Izoh (0)