Huawei va Xiaomi’dan so‘ng Xitoyning yana bir giganti — Meizu ham o‘zining navbatdagi flagmanini taqdim etdi. Meizu 15 nomini olgan smartfon (kompaniyaning 15 yilligiga bag‘ishlab chiqarildi) uch variantda taqdim etiladi (oddiy, Lite va Plus) va u raqobatchilarnikidan arzonroq narxda sotuvga chiqariladi, deb xabar berdi Hi-Tech.Mail.Ru.
Mazkur modelning ommaviy ravishda ishlab chiqarish yo‘lga qo‘yiladigan versiyasi shunchaki Meizu 15 deb ataladi. U keramik zarralar bilan qoplangan oq metall korpusda joylashgan.
U juda qulay: qalinligi 7,5 millimetrni, eni esa 73 millimetrni tashkil etadi va unda 16:9 tomonlar nisbati standartidan foydalanilgan.
Home tugmasida barmoq izi skaneri joylashgan bo‘lib, u Huawei’ning etalon skaneri kabi yaxshi ishlaydi. Orqa tomonidan ikkitalik kamera o‘rin olgan. IMX 380 + Sony IMX350 sensorlari Sony kompaniyasiga tegishli.
Meizu 15 smartfonining texnik tavsifi:
- Displey: Tomonlar nisbati 16:9 bo‘lgan 5,46 dyuymli displey;
- Protsessor: Qualcomm Snapdragon 660;
- Xotira: 4 gigabayt tezkor xotira va +64/128 gigabayt ichki xotira;
- Kamera: 12 + 20 megapiksell;
- Akkumulyator: 3000 mA/soat;
- Audio: SmarPA Cirrus Logic CS35L35
Izoh (0)