HMD Global rahbarligi ostida faoliyat ko‘rsatayotgan Nokia brendi o‘zining Nokia 7 Plus modelini taqdim etdi, deb xabar beradi Hi-Tech.Mail.Ru.
Nokia 7 Plus smartfoni iPhone X kabi “portlash”ni amalga oshirmadi va o‘zining yorqin korpusi bilan ham ajralib turmaydi. Aksincha, uning metall korpusi keramik chang bilan qoplangan.
Smartfon tomonlar nisbati 18:9 ga teng 6 dyuymli zamonaviy ekran bilan jihozlangan, biroq uni juda ham qulay deb bo‘lmaydi: eni 7,5 santimetr, uzunligi esa salkam 16 santimetr. Korpusining qalinligi 8 millimetrni, og‘irligi esa 185 grammni tashkil etadi. Keramik qoplama smartfonni maksimal darajada sirpanmasligini ta’minlaydi.
Nokia 7 Plus’ning ikkitalik moduliga Germaniyaning ZEISS kompaniyasiga tegishli optikalar o‘rnatilgan. Kengaytirilgan dinamik diapazoni va qayta ishlovchi ilg‘or algoritmlari foydalanuvchiga tabiiy ranglardan bahramand bo‘lish imkoniyatini taqdim etadi.
Smartfon hamon Android One dasturida ishtirok etmoqda— tizim “toza” Android 8.1 Oreo operatsion tizimida boshqariladi va to‘g‘ridan to‘g‘ri Google’ni qo‘llab-quvvatlaydi.
Izoh (0)