“Yagona Rossiya” partiyasining “Yosh gvardiyasi” rahbariyati mamlakatning yirik shaharlarida muxolifat bilan kurashish uchun otryadlar tuzadi. Harakat yetakchisi Denis Davidovning aytishicha, 100—200 kishilik guruhlar barcha “muammoli shaharlar”da paydo bo‘ladi. Bu haqda TJournal xabar berdi.
Davidovning so‘zlariga ko‘ra, otryadlar bir yarim ming kishigacha bo‘lgan namoyishlarga va “turli savollar bo‘yicha o‘z fikrini bildirishga” tayyor bo‘lishi kerak. Loyihaning maqsadi OAVni kuzatib boradigan va “muxolifat ko‘chani nazorat qiladi” degan afsonalar yuzasidan bahslasha oladigan faol yoshlarni shakllantirish, deb hisoblanmoqda.
Davidovning qo‘shimcha qilishicha, agar muxolifat tosh ota boshlasa, otryadlar bundan qochmaydi, o‘zlari esa muxolifatga tashlanmaydi, ammo hech kimni xafa qilishga ham qo‘yib bermaydi.
Izoh (0)