«Ягона Россия» партиясининг «Ёш гвардияси» раҳбарияти мамлакатнинг йирик шаҳарларида мухолифат билан курашиш учун отрядлар тузади. Ҳаракат етакчиси Денис Давидовнинг айтишича, 100—200 кишилик гуруҳлар барча «муаммоли шаҳарлар»да пайдо бўлади. Бу ҳақда TJournal хабар берди.
Давидовнинг сўзларига кўра, отрядлар бир ярим минг кишигача бўлган намойишларга ва «турли саволлар бўйича ўз фикрини билдиришга» тайёр бўлиши керак. Лойиҳанинг мақсади ОАВни кузатиб борадиган ва «мухолифат кўчани назорат қилади» деган афсоналар юзасидан баҳслаша оладиган фаол ёшларни шакллантириш, деб ҳисобланмоқда.
Давидовнинг қўшимча қилишича, агар мухолифат тош ота бошласа, отрядлар бундан қочмайди, ўзлари эса мухолифатга ташланмайди, аммо ҳеч кимни хафа қилишга ҳам қўйиб бермайди.
Изоҳ (0)