Superliganing 7-turidan boshlab har turda stadionlarga tashrif buyurgan eng faol muxlislarga O‘FA tomonidan bepul to‘plar taqdim qilinadi. Bu haqda tashkilot rasmiy saytida xabar berildi.
O‘zbekiston futbol assotsiatsiyasi hamda Professional futbol ligasi tomonidan O‘zbekistonda futbolni rivojlantirish, milliy chempionat saviyasini oshirib, stadionlarga muxlislarni yanada ko‘proq jalb qilish maqsadida bir qator chora-tadbirlar amalga oshirilmoqda.
Jumladan, milliy chempionat bahslarini tomosha qilish uchun stadionlarga tashrif buyurayotgan muxlislarni xursand qilish, ayniqsa, yosh bolakaylarda futbolga bo‘lgan mehrni yanada oshirish maqsadida, turli aksiyalar, tadbirlar o‘tkazish rejalashtirilgan. Ushbu maqsadda stadionlarda turli attraksionlar, ovqatlanish shoxobchalari, futbolga oid esdalik sovg‘alar, sport liboslari sotiladigan do‘konlar barpo qilinadi.
Shuningdek, Superliganing 7-turidan boshlab har turda uchrashuvlarni tomosha qilish uchun stadionga kelgan eng faol muxlislarga O‘zbekiston futbol assotsiatsiyasi tomonidan Superliga klublari futbolchilarining imzosi tushirilgan bepul to‘plar taqdim qilib boriladi. Muxlislar ushbu to‘plarni klubning mashhur futbolchilaridan qabul qilib olib, ular bilan birga suratga tushish imkoniyatiga ham ega bo‘ladi, deyiladi xabarda.
Izoh (0)