Bugun, 16-aprel sanasida Qarshining “Nasaf” jamoasi Osiyo Chempionlar Ligasining so‘nggi, 6-turini BAAda “Al-Vasl”ga qarshi o‘tkazdi.
“Nasaf” 5-turda Eronning “Persepolis” jamoasini qabul qilib, nursiz durang qayd etgan holda Osiyo Chempionlar Ligasidagi ishtirokini erta yakunlashga majbur bo‘lgan edi. Bugungi uchrashuvda qarshiliklar shunchaki rasmiyatchilik uchun maydonga tushgan bo‘lsa ham raqibni mag‘lub etishga erishdi. Avvaliga mezbonlar hisobni ochgan bo‘lsa-da, “Nasaf” 2 ta gol urib g‘alabani o‘z tomoniga og‘dira oldi.
Guruhdagi ikkinchi o‘yinda “Persepolis” o‘z maydonida “As-Saad” qabul qilib, 1:0 hisobidagi g‘alabani tantana qildi.
“Nasaf” shu tariqa OChLdagi ishtirokini guruhda 10 ochko to‘plagan holda yakunladi.
Osiyo Chempionlar Ligasi
“C” guruhi, 6-tur bellashuvi
16-aprel, dushanba
Izoh (0)