Toshkentdagi dastlabki Startup Weekend xakatoni 27—29-aprel kunlari bo‘lib o‘tadi. Bu haqda tadbir tashkilotchilari “Daryo”ga ma’lum qildi.
Tashkilotchilarning so‘zlariga ko‘ra, asosiy e’tibor g‘oyalar validatsiyasiga va jamoalarning ushbu g‘oyalar atrofida birlashishiga qaratiladi. Shu bois dastlab ishtirokchilar bir-birlari bilan o‘zaro tanishadi, vorkshoplar va loyihalar taqdimoti tashkil etiladi.
Ishtirokchilarning ishlashi va ijod qilishi uchun barcha sharoitlar yaratilishi aytilmoqda. Xakaton sudyalari qatorida Payme asoschisi Sarvar Ro‘zmatov va Workly rahbari Akmal Payziyev bor, mentorlar orasida Lamuz asoschisi Baxtiyor Hasanov, Robokidz Education rahbari Timur Azamatov, Super Dispatch’ning muhandislik direktori Iskandar Jalolov kabilarni uchratish mumkin.
Startup Weekend’da qatnashish pullik, joylar cheklangan. Xakatonda qatnashish uchun ro‘yxatdan o‘tish bu yerda davom etmoqda: http://startupweekend.herokuapp.com
Xakaton haqida batafsil ma’lumotni StartupWeekend.uz saytida, tadbirning Telegram-kanali va Facebook-sahifasida olish mumkin.
Izoh (0)