2017-yilning mart oyida Rossiyaning Domodedovo aeroportida o‘zbekistonlik ayoldan olib qo‘yilgan to‘rtta makaka Saransk hayvonot bog‘iga jo‘natiladi, deb xabar beradi Sputnik.
O‘tgan yilning mart oyida Domodedovo aeroporti bojxona xizmati o‘zbekistonlik ayol Vyetnamdan hujjatsiz olib kelgan 15 ta maymunni olib qo‘ygan edi.
Maymunlar karton qutilarda ozuqa va suvsiz olib kelinayotgan edi. Ularning aksariyati sovuqdan muzlagan, ochlikdan holdan toygan edi. Shu sababli jonivorlarning aksariyati nobud bo‘lgandi. O‘shanda maymunlar yovvoyi hayvonlarni qo‘llab-quvvatlash markaziga topshirilgan edi.
“Jonivorlarni yomon sharoitlarda xorijiy mamlakatlardan noqonuniy olib kelish holatlari tez-tez uchrab turadi. Ularning ko‘pchiligi yo‘lda nobud bo‘ladi. Biz mana shunday holatlarga barham berish uchun bojxona, politsiya va jamoat ekologiya tashkilotlari bilan hamkorlik qilamiz”, — deyiladi Moskva atrof-muhitni muhofaza qilish departamenti xabarida.
Izoh (0)