Abdullayev Saydullo Parhodbekovich O‘zbekiston Respublikasi Moliya vazirligi huzuridagi Sug‘urta nazorati davlat inspeksiyasi boshlig‘i etib tayinlandi, deb xabar bermoqda UzReport.
Saydullo Abdullayev 2005-yildan buyon O‘zbekiston banklari assotsiatsiyasi bosh direktori lavozimida ishlagan.
U 1965-yil 17-mart kuni tug‘ilgan. 1991-yilda Kalinin davlat universitetini, 1997-yilda Bank-moliya akademiyasini tamomlagan.
1997—2002-yillarda O‘zbekiston Markaziy bankida bir qator departamentlar direktori lavozimini egallagan.
2002—2005-yillarda O‘zbekiston banklari assotsiatsiyasi bosh direktori o‘rinbosari, so‘ng bosh direktori vazifasini bajaruvchi bo‘lib ishlagan.
O‘zbek, rus va ingliz tillarida erkin so‘zlashadi.
Izoh (0)