Ronaldu Salohdan ustun, Rossiya Braziliya oldida ojiz, Argentina Italiyaga imkoniyat bermadi. Kecha bo‘lib o‘tgan o‘rtoqlik uchrashuvlari natijalari

Kecha 23-mart, juma kuni FIFA kunlari doirasida bir nechta xalqaro o‘rtoqlik uchrashuvlari bo‘lib o‘tdi.

Rossiya — Braziliya 0:3

Jahon chempionati mezboni Rossiya besh karra jahon chempionlari bo‘lmish Braziliyani qabul qilib, 0:3 hisobida mag‘lubiyatga uchradi. O‘yindagi barcha gollar ikkinchi bo‘limda urildi.

Portugaliya — Misr 2:1

Krishtianu Ronaldu boshchiligidagi Portugaliya terma jamoasi esa bugun APLda javlon urayotgan Muhammad Saloh jamoadoshlari — Misrga qarshi to‘p surdi. Krishtianu va Salohning o‘zaro qarama-qarshiligida portugaliyalik yulduzning qo‘li baland keldi. O‘yinda Muhammad Saloh hisobni ochganiga qaramay, Krishtianu Ronaldu o‘yin so‘nggida ikkita gol urib, jamoasining g‘alabasini ta’minlay oldi.

Germaniya — Ispaniya 1:1

“Nemis mashinasi” — Germaniya esa Ispaniyaga qarshi kurash olib bordi. Qiziqarli o‘tgan o‘yinda 1:1 hisobi qayd etildi. Gollar Rodrigo hamda Tomas Myuller tomonidan kiritildi.

Italiya — Argentina 0:2

Jahon chempionati yo‘llanmasidan quruq qolgan Italiya terma jamoasi bugun Etihad stadionida Oltin to‘pning besh karra sohibi Leo Messi boshchiligidagi Argentina terma jamoasiga qarshi maydonga tushdi. O‘yin Messi jamoadoshlarining 2:0 hisobidagi g‘alabasi bilan yakunlandi.

Quyida kecha bo‘lib o‘tgan xalqaro o‘rtoqlik uchrashuvlari va ularning natijalari ko‘rsatilgan

O‘rtoqlik uchrashuvlari

23-mart, juma

Rossiya — Braziliya 0:3

Gollar: 0:1 – 53 Miranda, 0:2 – 62, penalti Filippe Koutino, 0:3 – 66 Paulino

Turkiya — Irlandiya 1:0

Gol: 1:0 — 52 Mehmet Topal

Gretsiya — Shveysariya 0:1

Gol: 0:1 – 59 Blerim Jemaili.

Ukraina — Saudiya Arabistoni 1:1

Gollar: 0:1 – 32 Artyom Kraves, 1:1 – 38 al-Muvallad.

Serbiya — Marokash 1:2

Gollar: 0:1 – 29, penalti Ziyesh, 1:1 – 37 Dushan Tadich, 1:2 – 40 Butaib.

Polsha — Nigeriya 0:1

Gol: 0:1 – 61, penalti Viktor Mozes.

Germaniya — Ispaniya 1:1

Gollar: 0:1 – 6 Rodrigo, 1:1 – 35 Tomas Myuller.

Argentina — Italiya 2:0

Gollar: 1:0 – 75 Ever Banega, 2:0 – 85 Manuel Lansini.

Niderlandiya — Angliya 0:1

Gol: 0:1 – 59 Jessi Lingard.

Portugaliya — Misr 2:1

Gollar: 0:1 – 56 Muhammad Saloh, 1:1 – 90 Krishtianu Ronaldu, 2:1 – 90 Krishtianu Ronaldu.

Fransiya — Kolumbiya 2:3

Gollar: 1:0 – 11 Olive Jiru, 2:0 – 26 Toma Lemar, 2:1 – 28 Lukas Muriel, 2:2 – 62 Radamel Falkao, 2:3 – 85, penalti Kintero.