O‘zbekistonda ilk kobeyjing kartalari yaqin oylar ichidayoq paydo bo‘ladi, 28 ta bankning barchasini esa 1-iyungacha tizimga ulash rejalashtirilmoqda. Bu haqda Yagona umumrespublika protsessing markazi bosh direktori Ahror Mahmudov ma’lum qildi, deb yozadi Spot.
Kompaniya kobeyjing kartalari ustida so‘nggi besh oydan buyon ishlamoqda. Kobeyjing kartasi — bu ikkita to‘lov tizimining qo‘shma kartasi. O‘zbekistonda birinchi bosqichda Uzcard-Visa, Uzcard-MasterCard, Uzcard-Union Pay, shuningdek, Uzcard-Dunyo kabi to‘rt turdagi kartalarni chiqarish rejalashtirilmoqda.
Ishlar yakunlangach, O‘zbekistonda konversion yoki valyuta kartasini ochishga boshqa hojat qolmaydi — tanlovga ko‘ra u yoki bu xalqaro to‘lov tizimiga integratsiyalashgan Uzcard kobeyjing kartasini olish kifoya bo‘ladi.
Xuddi shu kartaning o‘zi bilan mamlakat ichida ham to‘lovlarni amalga oshirish mumkin — buning uchun 250 mingga yaqin terminallar qayta dasturlanadi.
Izoh (0)